سەر لەئێوارەی دوێنێ 12/5/2010 لەشاری هەولێر د. بەرهەم ساڵح سەرۆکی حکومەتی هەرێمی کوردستان پێشوازیکرد لەجەنەرال ئۆدێرنۆ فەرماندەی هێزەکانی ئەمریکا لەعیراق و سەبارەت بەدۆخی سیاسیی و ئەمنی عیراق گفتوگۆیان کرد.
لەو دیدارەدا هەردولا تەئکیدیان کردەوە کەپێویستە پەلە بکرێت لەپێکهێنانی حکومەتی تازەی عیراق بەشێوەیەک سەرجەم پێکهاتەکان بەهی خۆیان بزانن و بتوانێت گرفتە سیاسیی و ئەمنی و ئابووریەکان چارەسەبکات، جەختیشکرایەوە کەپێکهَنانی حکومەت و رێکخستنەوەی پرۆسەی سیاسیی لەچوارچێوەی دەستوورو بەرژەوەندی باڵای عیراق دەبێتە هۆکارێکی سەرەکی رێگە گرتن لەتوندوتیژی و مەرامی تیرۆرستان و تێپەڕاندنی ناکۆکی و کێشە سیاسیەکان.
هەروا هەماهەنگی کردنی هەموو لایەنەکان بۆ بەرەنگاربوونەوەی تیرۆرستان و دابینکردنی ژیانێکی ئارام و دوور لەتوندوتیژی بۆ هاووڵاتیان بەهۆکارێکی سەرەکی وسفکرا.