به‌بۆنه‌ی‌ پێنجه‌مین ساڵیادی دامه‌زراندنی كه‌ناڵی زاگرۆس، دكتۆر به‌رهه‌م ساڵح سه‌رۆكی‌ حكومه‌تی‌ هه‌رێمی‌ كوردستان بروسه‌كه‌یه‌كی‌ پیرۆزبایی ئاراسته‌ی‌ ته‌واوی‌ ستافی‌ كه‌ناڵه‌كه‌ كرد.
ئه‌مه‌ش ده‌قی‌ پیرۆزباییه‌كه‌یه‌:
به‌ڕێزان/ به‌ڕێوه‌به‌رو ته‌واوی ستاڤی كه‌ناڵی ئاسمانی زاگرۆس
له‌پێنجه‌مین ساڵیادی دامه‌زراندنی كه‌ناڵی زاگرۆسدا جوانترین پیرۆزبایی له‌ئێوه‌و سه‌رجه‌م كادیرو كارمه‌ندانتان ده‌كه‌م و هیوای سه‌ركه‌وتنی زیاترتان بۆ ده‌خوازم له‌داهێنان و به‌ره‌وپێشبردنی كاروباره‌كانتاندا.
كه‌ناڵی زاگرۆس رۆڵێكی گرنگی بینیوه‌ له‌گه‌شه‌پێدانی بواری میدیا له‌كوردستاندا، به‌تایبه‌تی له‌دۆزینه‌وه‌ی تواناو سه‌لیقه‌ی كچ و كوڕانی گه‌نجی وڵاته‌كه‌ماندا، سه‌ره‌ڕای به‌شداری ئه‌و كه‌ناڵه‌ خۆشه‌ویسته‌ له‌خستنه‌ڕووی راستیه‌كان و نیشاندانی ئه‌و به‌ره‌وپێشه‌وه‌ چوونه‌ی له‌كوردستاندا به‌دیهاتووه‌،
له‌كۆتایدا وێرای ده‌ستخۆشیكردنم له‌ئێوه‌، بڕواشم وایه‌ له‌ئاینده‌شدا به‌هه‌مان گیانی داهێنان و خزمه‌تكردن وفراوانتركردنی ئازادی و ئازادی راگه‌یاندن به‌رده‌وام ده‌بن.


به‌رهه‌م ساڵح
سه‌رۆكی حكومه‌تی هه‌رێمی كوردستان
هه‌ولێر
13/6/2010