به‌بۆنه‌ی‌ كۆچی دوایی رۆژنامه‌نووس ئازاد صدیق محه‌مه‌د، د. به‌رهه‌م ساڵح سه‌رۆكی‌ حكومه‌تی‌ هه‌رێمی‌ كوردستان پرسه‌نامه‌یه‌كی‌ ئاڕاسته‌ی‌ بنه‌ماڵه‌ی‌ خۆالێخۆشبوو كرد، كه‌ ئه‌مه‌ی‌ خواره‌وه‌ ده‌قه‌كه‌یه‌تی‌:

به‌ڕێزان بنه‌ماڵه‌ و خانه‌واده‌ی كاكه‌ ئازاد صدیقی جوانه‌مه‌رگ

هه‌واڵی كۆچی له‌ناكاوی كاكه‌ ئازاد صدیق ڕۆژنامه‌نووس و كادیری پێشكه‌وتووی یه‌كێتیی نیشتمانیی كوردستان و میدیاكاری چالاك و دیاری كوردستان، بووه‌ مایه‌ی په‌ژاره‌ و خه‌مێكی قووڵ بۆ هه‌موو لایه‌ك. ڕێگه‌م بده‌ن پرسه‌و سه‌ره‌خۆشی له‌ خۆمان و ئێوه‌ی بنه‌ماڵه‌ و خانه‌واده‌ی به‌ڕێزی و سه‌رجه‌م كه‌سوكار و دۆستانی و ڕۆژنامه‌نووسانیش بكه‌م.
بواری میدیا و ڕۆژنامه‌گه‌ریی كوردی به‌ له‌ده‌ستدانی ناواده‌ی جوانه‌مه‌رگ خه‌ساره‌تێكی گه‌وره‌ی به‌ركه‌وت كه‌ قه‌ربووكردنه‌وه‌ی زه‌حمه‌ته‌، به‌ڵام وشه‌ به‌پێز و كاریگه‌ریی كار و به‌رنامه‌كانی ڕابردووی بۆ داهاتوو به‌به‌رده‌وامی له‌ناوماندا ده‌مێنێته‌وه‌.
له‌خوای گه‌وره‌ داواكارم ئه‌مه‌ دواناخۆشی بنه‌ماڵه‌كه‌تان بێت و خوالێخۆشبووش جێگای‌ به‌هه‌شتی‌ به‌رین بێت.