ئەمڕۆ 25/8 لەشاری هەولێر بەڕێز د. بەرهەم ساڵح سەرۆکی حکومەتی هەرێمی کوردستان چاویکەوت بەسەرۆکی یەکێتی ئاشووریەکانی جیهان و وەفدێکی هاوڕێ.
لە دیدارێکدا سەبارەت بەقوڵترکردنەوەی گیانی لێبووردەیی و یەکتری قبوڵکردنی نێوان ئاینە جیاوازەکان لەعیراق و کوردستان گفتوگۆکرا، وەفدی میوان ئاماژەیان بەوەدا کەهەرێمی کوردستان لەوباریەوە نموونەیەکی سەرکەوتووەو بەهۆی ئەو هەلومەرجە نالەبارەی برا مەسیحی و ئاشووریەکانی ناوچەکانی تری عیراق رووبەڕووی بونەتەوە، بەشێکی زۆریان ئاواەر بوون و ئێستا لەکوردستان گیرساونەتەوە.
لەدرێژەی قسەکانیدا سەرۆکی یەکێتی ئاشووریەکانی جیهان روونیکردەوە ئەوان وەکو هاووڵاتیەکی هەرێم ماف و تایبەتمەندیان پارێزراوە، تەئکیدیشی کردەوە کەئەم هەنگاوەی حکومەتی هەرێم جێگەی دەستخۆشی لێکردنەو دەبێتە ئەزموونێکی دەوڵەمەندی برایەتی پێکەوە ژیان، هەروا بەناوی یەکێتیی ئاشووریەکانی جیهان دەستخۆشی لەحکومەتی هەرێمکرد.