بەبۆنەی سەرکەوتنتان و بەدەستهێنانی پلەی یەکەم لەخولی نایابی عیراق بۆ تۆپی پێ، پیرۆزبایی گەرم لەدەستەی بەڕێوەبەرو یەکە یەکەی یاریزانانی یانەکەتان دەکەم، سەرکەوتنی یانەی دهۆک لەوخولەدا نیشانەی پێشکەوتن و گرنگیدانی زیاترە بەبواری وەرزش لەهەرێمی کوردستاندا، کەئەمڕۆ بۆتە بوارێکی هاوبەشی جیهانی و هەموو دیوارەکانی بڕیوە.
سەرکەوتنی یانەکەتان لەخولی نایابی عیراق بۆ تۆپی پێ، ئەو راستیە دووپات دەکاتەوە، ئەگەر دیموکراسی و فیدرالی و ئارامی لەعیراقدا بەرقەرار بێت، ئەوا سەرجەم پێکهاتەکانی عیراق بەبێ جیاوازی دەتوانن توانای خۆیان تاقی بکەنەوەو بەیەکەوە خزمەتی وڵاتەکەیان بەئاراستەی ئاوەدانی و برایەتی و پێکەوە ژیان بکەن.
لەکۆتایدا جارێکی تر پیرۆزبایی لەیانەکەتان و سەرجەم جەماوەری وەرزش دۆستی کوردستان دەکەم، بەبۆنەی بەدەستهێنانی پلەی یەکەم لەو خولە گرنگەدا.

بەرهەم ساڵح
سەرۆکی حکومەتی هەرێمی کوردستان