بەناوی خوای گەورەوە
بەبۆنەی جەژنی پیرۆزی رەمەزانەوە پیرۆزبایی خۆم بەسەرجەم موسڵمانانی کوردستان، بەتەواوی چین وتوێژەکانی و خەڵکی شارو لادێکانی رادەگەیەنم، لەهەمان کاتیشدا پیرۆزبایی لەموسڵمانانی عیراق و جیهان دەکەم، هیوادارم ئەم جەژنە ببێتە مایەی کردنەوەی دەرگای خێروخۆشی زیاتر بۆ هەموو لایەک و ببێتە بۆنەیەکیش بۆ قوڵکردنەوەی زیاتری برایەتی پێکەوە ژیان و بەهێزترکردنی گیانی لێبوردەیی لەهەرێمی کوردستان و عیراقدا .
لەم جەژنە پیرۆزەدا جارێکی تر دووپاتی دەکەینەوە کەحکومەتی هەرێمی کوردستان بەردەوام دەبێت لەبەرنامەکانی خۆی بەئاراستەی خزمەت کردنی زیاتری هاووڵاتیان و گەشەپێدانی وڵاتەکەمان بەشێوەیەک کەگرنگی و بایەخپێدانی حکومەت بەشێوەیەکی دادپەروەرانە بگاتە سەرجەم ناوچەکانی کوردستان و هەموو چین و توێژەکانیش لێی سودمەند ببن.
جارێکی تر پیرۆزبایی ئەو جەژنە پیرۆزەتان لێ دەکەم و هەموو جەژنێکتان بەخۆشی
د.بەرهەم ساڵح
|
