ئه‌مرۆ 15 \ 2\2012 له‌ شاری سلێمانی به‌رێز د. به‌رهه‌م ساڵح پێشوازیكرد له‌ خۆسێ تورپین باڵیۆزی ئیسپانیا له‌عێراق.

له‌ دیدارێكدا كه‌به‌رێزان د. دلاوه‌ر عه‌لادین وه‌زیری خوێندنی باڵاوتوێژینه‌وه‌ی زانستی و دابان شه‌ده‌ڵه‌ نوێنه‌ری حكومه‌تی هه‌رێمی كوردستان له‌ ئیسپانیا ئاماده‌یبون گفتوگۆكرا سه‌باره‌ت به‌ بارودۆخی سیاسی عێراق و هه‌رێمی كوردستان و دوا پێشهات و په‌ره‌سه‌ندنه‌كانی ناوچه‌كه‌.

هه‌رله‌ودیداره‌دا به‌رێز د. به‌رهه‌م ساڵح و باڵیۆزی ئیسپانیا له‌عێراق ته‌ئكیدیان له‌سه‌ر په‌ره‌پێدانی په‌یوه‌ندیه‌كانی نێوان ئیسپانیاو عێراق و هه‌رێمی كوردستان كرده‌وه‌.

سه‌باره‌ت به‌ په‌یوه‌ندیه‌كانی نێوان هه‌رێمی كوردستان و ئیسپانیا د. به‌رهه‌م جه‌ختی له‌سه‌ر زیاتر پته‌وكردنی ئه‌وپه‌یوه‌ندیانه‌ كرده‌وه‌ به‌تایبه‌ت له‌بواری ئابوری وگه‌شتوگوزارو چالاكی وه‌رزشی وهاندانی وه‌به‌رهێنه‌ران و كۆمپانیاكانی ئیسپانیا بۆ كاركردن له‌ هه‌رێمی كوردستان.

باڵیۆزی ئیسپانیاش له‌ عێراق په‌رۆشی خۆی نیشاندا بۆ ئه‌و زه‌مینه‌سازییه‌ی له‌هه‌رێمی كوردستان كراوه‌ بۆ وه‌به‌رهێنه‌رانی بیانی و به‌شداریكردن له‌ پرۆسه‌ی وه‌به‌رهێانان و بوژانه‌وه‌.

له‌به‌شێكی تری دیداره‌كه‌دا به‌بایه‌خه‌وه‌ باس له‌و هه‌نگاوه‌ی وڵاتی ئیسپانیاكرا كه‌ له‌رێگه‌ی یانه‌ی ریاڵ مه‌دریدی ئیسپانیه‌وه‌ 4 ئه‌كادیمیای وه‌رزشی له‌ هه‌رێمی كوردستان ده‌كاته‌وه‌.