دوينى 16/12/2009 د. بەرهەم ئەحمەد ساڵح سەرۆکی حکومەتی هەرێمی کوردستان پێشوازیکرد لەمامۆستا عەلی ئەمیری کۆمەڵی ئیسلامی وەفدێکی مەکتەبی سیاسی، لەدیدارێکدا وێرایی گەیاندنی پیرۆزبایی کۆمەڵی ئیسلامی بۆ کابینەی شەشەم دوپاتیشیانکردەوە کۆمەڵی ئیسلامی هەرچەندە بەشداری حکومەت نییە، بەڵام بەداری پرۆسەی سیاسین و پشتیوانی لەسەرخستنی کارەکانی حکومەت دەکەن.
 هەر لەو دیدارەی نێوان سەرۆکی حکومەت و وەفدی کۆمەڵی ئیسلامیدا باس لەدوا گۆڕانکاریەکانی کوردستان وعیراق کرا، بەتایبەتی دوای پەسەندکردنی یاسای هەڵبژاردنەکانی عیراق، هەردولا هاوڕا بوون کەدەبێ هەڵویستی کورد لەسەر ئاستی عیراق یەک هەڵوێست بێت، بەشێوەیەک کەکورد لەبەغدا توانای ئەوەی هەبێت بەرگری لەدەسکەوتەکانی خەڵکی کوردستان و دەسکەوتە دیموکراسی و سیاسیەکانی عیراقیش بکات.
 لەتەوەرێکی تردا باس لەهەماهەنگی نێوان حکومەت لایەنە سیاسیەکانی کوردستان کرایەوە بەمەبەستی دەستنیشانکردنی گرفت و کەمووکووڕیەکان و چارەسەرکردنیان لەکاتی خۆیدا، لەوبارەیەوە مامۆستا عەلی باپیر ئەمیری کۆمەڵی ئیسلامی دوپاتیکردەوە کەئەوان ئامادەیی هاوکاری کردنی حکومەتن  و ئەو هەنگاوەشیان بەگرنگ وەسفکرد.